HKMSPU和理迎聖誕:倒數迎聖誕


發佈日期 2019-12-25

今個聖誕不孤獨,因為有HKMSPU陪你圍爐取暖, 一齊慶祝!

 

---????HKMSPU和理迎聖誕:倒數仲有7日????---
【???? 與大台割席】
仲有7日就係聖誕,
知道大家嘅公司一到年尾就會比大台Sales chur到暈,
由其是今年已經有好多Brand同大台割席,
仲諗緊要唔要倒錢落海?
不如溫馨提示吓客人怕唔怕被制裁啦????????
想過一個Merry Christmas,就要向大台說不!更要向藍媒說不!

P.S.仲有記住提負責買抽獎禮物嘅HR姐姐唔好用大台嘅網購平台呀!

 

---????HKMSPU和理迎聖誕:倒數仲有6日????---

【????送禮都要分黃藍】

大家最期待聖誕節嘅其中一個原因相信一定係因為抽獎或者交換禮物架喇!而呢個亦都係擴大黃色經濟圈嘅好時侯!????
唔好以為黃色經濟圈淨係得餐廳,時裝、家品,其實咩分類都有架!網上有哂唔同嘅罷買指南、懲罰清單,所以作任何消費前記得要查清楚店鋪黃藍背景先好買!唔準偷懶唔check架????

如果大家有啲咩黃色聖誕禮物推介或者idea,快啲comment話我地知!
----------------------------------
ℹ️小提示
*三罷聯合街站*
聽日12月20號二百萬三罷會聯同新工會ssss喺全港五區擺街站,記得5-8pm去支持下新工會嘅朋友,同埋重點係可以即場入埋會呀!
⤴屯門:屯門市中心天橋
⤴元朗:元朗西鐵站
⤴荃葵:青衣城天橋
⤴西九:長沙灣站C2出口
⤴港島:銅鑼灣Sogo外

 

---????HKMSPU和理迎聖誕:倒數仲有5日????---
【和理idea】

喺聖誕節咁開心嘅節日,梗係要happy sharing啦!
做媽劇停嘅大家一定會有好多唔同嘅諗法,不如share比我哋知吖!
我哋想更了解大家對工會嘅睇法同埋對工業行動有咩idea,如果你有意見同諗法,歡迎喺呢個post嘅comment到向我哋提出!(如果有較大膽嘅建議就pm我哋啦~)
期望可以集合大家嘅聲音去配合大家嘅需要,令工會發展得更好!????
唔好收收埋埋啦~快啲share比我哋知啦!
---------------------------------
ℹ 小提示
1月1日民陣將會有元旦行動,而本會都有意配合同參與,希望可以招募義工幫忙。有興趣的業內朋友,請PM我們,並表示想參與, 籌委會幹事會盡快與你聯絡。

 

 

---????HKMSPU和理迎聖誕:倒數仲有4日????---
【黃色經濟圈:市場營銷篇 ????】

聖誕節最開心固然係去玩、買禮物、食大餐,但你今日幫襯咗黃店未?
今年記得幫襯黃店,罷買藍店,一齊過第一個金黃色嘅聖誕!

除此之外,本會有意擴大黃色經濟圈範疇,由餐廳及零售商店擴至我哋嘅專長---市場營銷,
如果你有任何有關黃底嘅市場營銷公司都可以報料比我哋知。
喺進一步核實之後我哋會盡快公佈有關名單!

歡迎各位匯報一切黃底嘅市場營銷相關合作夥伴單位或服務供應商等,無論係提供市場營銷代理服務、活動策劃公司定舞台設備供應、小金黃 KOL同印刷服務等,都歡迎報料!

報料專線: https://forms.gle/qMv3ztjujmzhvJmK9


---------------------------------
ℹ️ 小提示
***HKMSPU 義工招募***
本會快將舉行會員招募及會員活動等,同樣需要大量義工。有興趣嘅業內朋友請PM我哋,並表示「有意加入義工團隊」, 籌委會幹事會盡快同你聯絡。
 

 

---????HKMSPU和理迎聖誕:倒數仲有3日????---
【手足團聚之日】

冬至之所以重要,原意係普遍華人希望喺一年最後嘅節慶同屋企人團聚然後過準備過新年,所以先會有冬至食湯圓嘅傳統,以及「冬大過年」嘅講法。

不過,修例風波發生至今已經拆散咗好多手足嘅家庭,有人因政見而無再同屋企人食飯,有人因種種罪名準備提堂或被判刑,亦有手足再都無辦法可以同屋企人團聚...
聽日23號亦喺96人暴動案上庭嘅日子,大家如果有時間記得去聲援!

希望大家唔好忘記已逝世或被捕嘅手足為嘅付出,要繼續盡自己最大嘅能力去一齊走下去。

最後,冬至除咗代表一年嘅過去,亦象徵新一年嘅來到。我哋工會亦寄望新一年會為香港帶嚟新景氣,大家所期望嘅亦都可以全部實現。

大家冬至快樂。
---------------------------------
ℹ️ 小提示
聽講某某餐廳今日將會為手足一齊做冬,出錢出力支持唔洗我教啦掛~

 

---????HKMSPU和理迎聖誕:倒數仲有2日????---
【聖誕有愛】

2019年發生咗好多事,但無論你企喺咩位去支持呢次運動,兄弟姊妹各自爬山!
半年內大家一同創造咗無數美麗動人嘅畫面,
當中可能有不完美,但大家已經好叻,絕對可接受。
希望大家可以襯聖誕呢個充滿愛嘅節日,好好關心身邊手足,
一句關心、一個擁抱,互相支持,齊過一個溫暖有愛嘅聖誕。
記得唔好發開口夢啊!

情緒小支援: https://bit.ly/2SdPIiw


---------------------------------
ℹ️ 小提示
***二百萬三罷聯合陣線 強勢招募***
二百萬三罷將會於全港各區擺街站宣傳新工會。不論你係學生、業內外人士等。
只要想幫手,都十分歡迎!詳情/有興趣之士請PM 我們。

 

 

---????HKMSPU和理迎聖誕:倒數仲有1日????---
【祝願大家有一個平安夜】

聽日就係聖誕,半年走過,唔知大家會唔會同小編一樣,開始怕咗節日嘅來臨?
聖誕時大家本應開開心心睇燈飾、慶祝、報佳音,但因為政府無力管治,大家只能繼續默默反抗。
相信大家以後再諗起2019嘅聖誕,一定充滿好多屬於真·香港人先有嘅節慶活動。
喺呢到,小編祝同路人有一個平安夜,希望大家嚟緊幾日參與任何活動都好,都要平安歸家,因為你屋企要人,要齊齊整整過聖誕架!

另外,國際戰線都要人,幫手聯署啦!
德國版人權法案聯署傳送門及教學:
https://lihkg.com/thread/1782422/page/1

(12月25日截止!)

支持Be Water Act:
https://bit.ly/2MgWpg1

(12月30日截止!)

要求奧委會終止北京辦2022年奧運 :
https://bit.ly/35SAFyE

 ( 1月19日截止!)
--------------------------------
ℹ️ 小提示
1月1日民陣約咗大家,記住預留時間啦!

 

---????HKMSPU和理迎聖誕:聖誕啦!????---

【祝大家聖誕快樂】
今日就係聖誕節啦~喺呢個理應普天同慶、愛與和平嘅日子,就在被我們的政權在蠶食。香港人更應該團結!我哋marketer更要發揮我地既專業????????
我哋HKMSPU都想同大家宣佈,嚟緊一月我準備正式招會員啦!到時會招募大家成為我哋工會會員同埋有關事項,有意想加入我哋Marketing工會嘅朋友仔,記得要密切留意啦!
祝大家聖誕節快樂!????
---------------------------------
ℹ 小提示
記得follow我哋channel同social media,留意住最新動態同入會資訊!

 


關鍵字 聖誕 , 和理 ,