【黃圈同路人 Facebook Do & Dont】


Date 2020-06-02

面對網絡媒體戰,腦袋要Be Water。最緊要識玩!今日同大家探討下Facebook / IG 攻防戰,加強黃信息,對抗不實的內容。

1. 日日和你CLS
Facebook同Instagram演算法決定了一個帖文嘅自然觸及,想唔落廣告都有大量自然觸及,就要大家做齊Comment, Like, Share!

CLS都未夠,啱睇嘅就Like 同 Follow埋個Page啦!
自然觸除左仲有專頁嘅評分,粉絲同追縱數都有所影響,所以大家唔好吝嗇自己嘅手指公擺低個Like 同Follow。

2. 讚好專頁 並調較「搶先看」
演算法決定左我地喺社交平台上可以睇到啲乜,記得去返相關專頁首頁揀返「搶先看」。要注意一個用戶最多可設定30個「搶先看」。

3. 檢舉假Post 假Page
見到即撳檢舉,記得唔係撳隱藏呀﹗撳檢舉之後,FB會問你咩原因,咁其實就冇話只可以檢舉一個原因,覺得佢仲觸犯左其他原因,可以重覆以上步驟檢舉多幾次﹗

檢舉完個Post咁爽,不如順手檢舉個藍Page,同樣地覺得佢唔止觸犯左一個原因可以再檢舉幾次!完事後入到個Page,有時間就順手比個1分評分同檢舉埋其他Posts﹗

4. 加入黃社群 包容同路人
FB初衷係想將人與人連結起黎嘅,可能因為咁,群組嘅自然觸及率比專頁高,因為係Closed Group 討論起上黎都係自己人,心情都暢快啲啦﹗

返到現實少不免就要考慮生活同搵食,KOL同我地都唔例外。開罵前停一停諗一諗,「KOL都係人」,同呢班有影響力嘅同路人齊齊努力啦。

5. 做好Fact Check 唔做標題黨
假新聞充斥網路,通常標題juicy又聳人聽聞,至少self-check過先再傳,有意識地避免炒車都好吖

6. 做好私隱設定

7. 檢舉好啦 比嬲就多左
明白見到冇良知嘅帖文都好嬲,想比個嬲嬲﹗但嬲嬲不等如Dislike,反而FB會覺得同個帖文有共鳴有反應,就派比更多人睇,下次真係嬲就檢舉啦!


Keywords 黃圈 , Facebook ,